29-May-2020 | १६ जेष्ठ २०७७, शुक्रबार

अस्पतालको सूचना पत्याएर ङिमाको नाममा परिवारले श्रद्धाञ्जली पुजा लगाइसकेपछि हष्पिटलले फेरि भन्यो– उपचार हुँदैछ

२४ चैत्र २०७६, सोमबार ०   बिचार / प्रतिक्रिया


न्यूयोर्क

शनिबार अस्पतालले मृत्युको सूचना दिएका नेपाली आप्रवासी ङिमा तेम्बा शेर्पाको मुटु चलि रहेको नयाँ जानकारी प्राप्त भएको छ । ङिमाका दाजु लाक्पा यौलु शेर्पाले शनिबार न्यूयोर्क स्थित एलमष्ट हष्पिटलले भाइको मृत्यु भएको सूचना दिएपछि उनको नाममा परिवारमा पुजापाठ एवं फेसबुकमा श्रद्धाञ्जली लेख्ने काम भएको जानकारी दिएका हुन् ।

उनले अस्पतालको सूचनालाई आधेर मानेर फेसबुकमा भाइप्रति श्रद्धाञ्जली समेत अपर्ण गरेको थिए । तर, अस्पतालमा कसैको पनि जाने अवस्था नरहेको र आज विहान सम्पर्क गर्दा फेरि ङिमाको मुटु चलि रहेको जानकारी प्राप्त भएको लाक्पाले जनाएका छन् ।

उनले भाइको शिघ्र स्वास्थ्य लाभको लागि प्रार्थना गर्न पनि सबैसँग अनुरोध गरेका छन् । शनिबार आफुले दिएको सूचनाकै आधारमा ङिमाबारे सञ्चार माध्यमले समाचार र साथीसंगीले श्रद्धाञ्जली अर्पण गरेको उल्लेख गर्दै फेसबुक स्टाटस मार्फ उनले नयाँ जानकारी प्रवाह गरेका हुन् । ४४ बर्षिय ङिमा कोरोना केही दिन अघि अस्पताल भर्ना भएका थिए । उनमा कोरोना भाइरस संक्रमण भएको हो या अरु कुनै रोग लागेको पनि पुष्टि हुन सकेको छैन ।

Loading...

फेसबुकबाट तपाईको प्रतिक्रिया

सम्बन्धित समाचार