समाचार

फ्लोरिडा एयरपोर्ट नजिक आगो लाग्दा ३५ सय गाडी जले

न्युयोर्क      

अमेरिकाको फ्लोरिडा राज्यको एक बिमानस्थल नजिक आगलागी हुँदा झन्डै ३५ सय गाडी जलेका छन् । अधिकांश भाडाका गाडी पर्किङ् गरी राखिएको १५ एकर्डको घाँसे मैदानमा आगलागी हुँदा ती सबै गाडी जलेका हुन् । आगलागी शुक्रबार साँझ साउथ वेष्ट फ्लोरिडा इन्टर्नेसनल एयरपोर्ट नजिकैको पार्किङ् लटमा भएको हो ।  आगलागीको समयमा स-साना बिस्फोटनको आवाज सुनिएको र आगोका ठुला ठुला लप्काहरु आकाशमा देखिएको प्रत्यक्षदर्शीहरुले बिभिन्न संचार माध्यमलाई बताएका छन् । यद्यपी आगलागीको समयमा कुनै पनि गाडीमा मनिस नभएको हुँदा मानवीय क्षती नभएको बताईएको छ । कुल ३५ सय १६ गाडी पूर्णरुपमा जलेको र ३८ सय ५० गाडीमा क्षती नपुगेको फ्लोरिडास्थित स्थानीय संचार माध्यमहरुले लेखेका छन् ।  

आगलागी कसरी सुरु भयो भन्ने बारेको अनुसन्धान फ्लोरिडा राज्यको फायर मार्सलले सुरु गरेको जनाईएको छ ।

तस्बिर श्रोत : यु एस ए टुडे