समाचार

कोरोना संक्रमित बेलायती प्रधानमन्त्री जोन्सनलाई आईसीयूमा सारियाे, अवस्था गम्भिर

लन्डन

कोरोना भाइरस संक्रमित बेलायती प्रधानमन्त्री बोरिस जोन्सनलाई आईसीयूमा सारिएकाे छ । भाइसरको संक्रमण पछि अवस्था प्रतिकुल बन्दै जाँदा जोन्सन आइतबार अस्पताल भर्ना भएका थिए ।

लण्डन स्थित सेन्ट थोमस अस्पतालमा उनको उपचार भइ रहेको । ‘सोमबार अपरान्हसम्ममा प्रधानमन्त्रीको स्वास्थ्य अवस्था थप जटिल बनेका कारण स्वास्थ्यकर्मीहरुको परामर्शमा इन्टेन्सिभ केयर युनिटमा भर्ना गरिएको छ’ अस्पतालका प्रवक्ताले भनेका छन् ।

जोन्सनलाई १० दिन अघि भाइरसको लक्षण देखिएको थियो । पछि जाँच गर्दा उनमा भाइरस रहेको पुष्टि भयो । ५५ बर्षिय जोन्सनले स्वास्थ्य प्रतिकुलताका कारण देशलाई नेतृत्व दिन नसके बेलायत समक्ष दोस्रो विकल्प तयार नरहेको समाचार सोमबार बिहान रोयटर्सले प्रकाशित गरेको थियो । जोन्सनले विदेशमन्त्री डोमिनिक रावलाई आवश्यक परेको बेला नेतृत्वका लागि तयार रहन भनेको बिबिसीले उल्लेख गरेको छ । अहिलेसम्म बेलायतमा ५१ हजार कोरोना भाइरस संक्रमित पुगेका छन् भने पाँच हजार बढिले ज्यान गुमाइ सकेका छन् ।