काठमाडौं । कोभिड १९ को त्रास यूरोप र अमेरिकामा अझै बढ्दो क्रममा छ । यसको संक्रमणको उग्र रुप मंगलबार पनि देखियो । मंगलबार रातीसम्म विश्वभर मृत्यु हुनेको संख्या ८२ हजार १९ पुगेको छ ।

विश्व स्वास्थ्य संगठनका नुसार संक्रमितको संख्या १४ लाख २८ हजार ४ सय २८ पुगेको छ । ३ लाख १ सय ९८ जना भने सन्चो भइसकेका छन् ।

इटलीमा अहिलेसम्म मृतक संख्या १७ हजार एक सय १७ पुगेको छ । संक्रमितको संख्या १ लाख ३५ हजार ४ सय ८६ पुगेको छ ।

स्पेनमा मृतक संख्या १४ हजार ४५ र संक्रमितको संख्या एक लाख ४१ हजार नौ सय ४२ पुगेको छ । संयुक्त राज्य अमेरिकामा मृतक संख्या १२ हजार ८ सय ४४ पुगेको छ ।

यहाँ संक्रमितको संख्या ३ लाख ९८ हजार एक सय ८५ पुगेको छ । यो मुलुकमा विश्वकै बढी संक्रमित रहेका छन । अमेरिकाको न्युयोर्कमा मात्र मृतक संख्या पाँच हजार पुगेको छ । यस शहरमा मंगलबार एकै दिन ७ सय ३१ जनाको मृत्यु भएको छ ।

न्यूयोर्कमा संक्रमित १ लाख ३८ हजार ८ सय ३६ छन् । फ्रान्समा मृतक संख्या १० हजार ३ सय २८ पुगेको छ । संक्रमितको संख्या एक लाख १० हजार ७० पुगेको छ । पछिल्लो २४ घण्टामा फ्रान्समा ७ सय ७ जनाको मृत्यु भएको छ ।

बेलायतमा मृतक संख्या ६ हजार एक सय ७० पुगेको छ । यहाँ संक्रमितको संख्या ५५ हजार हजार नौ सय ४९ रहेको छ ।

पछिल्लो २४ घण्टामा बेलायतमा सात सय ५८ जनाको मृत्यु भएको छ । नेपालमा यस रोगबाट ९ जना संक्रमित छन् । एक जना निको भइसकेका छन् ।

पछिल्लो तीन दिन यता भने नेपालमा संक्तमित देखिएका छैनन् ।