न्युयोर्क

अमेरिकी संघिय सरकार मार्फत प्राप्त हुने कोरोना महामारी राहत रकम कुरेर बसेका थुप्रै अमेरिकाबासीले त्यो रकम प्राप्त गर्ने छैनन् ।  शुक्रबारसम्म अमेरिकामा  ४ लाख ७५ हजार अमेरिकन कोरोना संक्रमित र १७ हजारको मृत्‍यु भै सकेको छ भने झन्डै १ करोड ७० लाख मानिसले बेरोजगार  भत्ताको लागि सरकारी निकायमा निबेदन गरेका छँन् ।  कोरोना महामारीमा वार्षिक ७५ हजार डलर कमाईको सिलिङ भित्र पर्नेलाई प्रती ब्यक्ती १२ सय डलर राहत रकम दिने सरकारी घोषणा भए पनि सरकारले तोकेको आम्दानीको मापदण्ड अनुसार योग्य हुँदा हुँदै लाखौं मानिसले त्यो राहत रकम प्राप्त नगर्ने भएका छँन् । ठुलो संख्यामा कलेज पढ्दै गरेका विद्यार्थी,  सोसल सेक्युरिटी नभएका आप्रबासी,केही अपांग ब्यक्तिहरु र भर्खरै डिभोर्स भएका जोडीहरु यो राहतबाट बन्चित हुने भएका हुँन् । महामारीको चपेटामा परेका अमेरिकाबासीहरुलाई दैनिक जिबिकोपार्जनका लागि सहज होस् भनी अघिल्लो महिना नै अमेरिकी कङ्रेसबाट पास भएको राहत  रकम शुक्रबार  सम्म आई आर एसले बितरण  सुरु गरेको छैन ।  आई आर एसले पहिलो चरणमा संन् २०१९ को ट्याक्स  फाईलको विवरण    अनुसार  अप्रिल मध्यबाट राहत रकम बितरण गर्ने जनाएको छ । आई आर एस सेक्रेटरी  स्टिभन मुनचेनका अनुसार पहिलो चरणमा ५ करोड अमेरिकनलाई राहत   रकम पठाईने छ । जसले  संन् २०१९ को ट्याक्स फाईल गर्न भ्याएको छैन उसको हकमा भने संन्  २०१८ को ट्याक्स  विवरणको आधारमा रकम पठाउने बताएको छ ।  महामारीको समयमा राज्यले घर घरमा र ब्यांकको खातामा  पठाउने यो आर्थिक राहतबाट थुप्रै अमेरिकाबासीलाई सहज हुने भए पनि वास्तविक महामारी पिडीत लाखौं अमेरिकाबासी भने यो राहतबाट बिमुख हुने छँन् ।  यो राहत रकम नपाउनेको संख्या अमेरिकामा ६ करोड ५० लाख जती हुने अनुमान गरिएको छ ।  

१७ बर्ष माथिका कलेज पढ्ने विद्यार्थी :

यदी १७ बर्ष मुनिका विद्यार्थी आफ्ना अभिभाबकको ट्याक्स फाईलमा आश्रितका रुपमा जनाईएका छँन् उनिहरुको नाममा आउने ५ सय डलर सम्बन्धित विद्यार्थीका नाममा आउने छैन ।  उनिहरुको नाममा आउने उक्त रकम उनको अभिभाबकले पाउने छँन् ।  

जो १७ बर्ष माथिका छँन् ।  जस्ले आफ्नो ट्याक्स फाईल आँफै गरेको छैन र अभिभाबकले आश्रित जनाएर ट्याक्स फाईल गरेका छँन् ।यस्तो अवस्था भएका लगभग २ करोडका न अभिभाबक न विद्यार्थी  स्वयम् कसैले पनि केही प्राप्त गर्दैनन्   ।  

अभिभाबक आश्रित अपांग ब्यक्ती : 

ट्याक्स फाईल गर्दा अभिभाबकहरुले  आश्रितका रुपमा दाबी गरिएका अपांगहरुले छुट्टै त्यो राहत रकम प्राप्त गर्ने छैनन् ।  तर सोसल सेक्युरिटी एडमिनिस्ट्रेसन तथा भेट्रान एफेयर्स मार्फत अपांग सुबिधा लिएर बसेकाहरुले भने यो आर्थिक राहत प्राप्त गर्ने छँन् ।  

आफ्नो सन्तानको आश्रितमा रहेका ब्रिद्ध ब्रिद्धाहरु :

सोसल सेक्युरिटी अन्तर्गत रहेका र वार्षिक रुपमा सरकारले राहत प्राप्त गर्न तोकेको आम्दानीको मापदण्ड भित्र पर्ने ब्रिद्ध ब्रिद्धाहरुले संघिय सरकारको यो आर्थिक राहत प्राप्त गर्छन् । तर  आफ्ना सन्तानको आश्रितका रुपमा ट्याक्समा रिपोर्ट भएका ब्रिद्ध ब्रिद्धा    छँन् उनिहरुले त्यो राहत रकम प्राप्त गर्दैनन् ।

सोसल सेक्युरिटी  नभएका आप्रबासी :

संघिय सरकारको यो राहत प्राप्त गर्न अमेरिकन नागरिक भने हुनु पर्दैन ।  तर मान्यताप्राप्त सोसल सेक्युरिटी नम्बर भने हुनै पर्छ ।  यसको मतलब ग्रिन कार्ड भएका र एच् – १ बि र एच् – २ ए भिसा भएकाले यो राहत रकम प्राप्त गर्छन् ।  तर गैर आवासिय बिदेशी

( नन रेसिडेण्ट एलियन ) आस्थाई कामदारी र गैर कानुनी रुपमा अमेरिका बसोबास गरिरहेकाहरुले यो राहत प्राप्त गर्दैनन् ।  

संन् २०२० मा जन्मिएका नाबालक : 

सरकारले संन् २०१८ र २०१९ को ट्याक्स फाईललाई आधार मानेर राहत रकम बितरण गर्ने हुँदा संन् २०२० मा स्वागत गरिएका नवजात सिशुहरुको नाममा रकम प्राप्त हुने छैन ।  

भर्खरै डिभोर्स  :

भर्खरै डिभोर्स भएकाहरुको  हकमा पनि संन् २०१८ र २०१९ को ट्याक्स फाईललाई आधार मानेर राहत रकम बितरण गरिने हुँदा हालसाल मात्र डिभोर्स भएका जोडीहरुले प्राप्त गर्ने रकम आई आर एसको रेकर्डमा भएको ब्यांक खातामा रकम जान्छ । त्यसैले डिभोर्स भएका पती पत्नी दुबैलाई छुट्टा छुट्टै रकम आउँदैन । आफुहरु डिभोर्स  भएको जानकारी आई आर एसलाई जानकारी गराउने संयन्त्र आई आर एसमा छैन ।

( एन बि सि न्युजमा प्रकाशित रिपोर्ट्लाई उल्था गरिएको हो )