काठमाडौं । शुक्रबार रातीसम्म बालुवाटारमा भएको छलफलपछि डीआइजी बढुवा प्रक्रिया टुंगो लागेको छ ।

गृह मन्त्रायलले नेपाल प्रहरीका १० जना वरिष्ठ उपरीक्षक (एसएसपी) लाई प्रहरी नायब महानिरीक्षक (डीआईजी)मा बढुवाका लागि सिफारिस गर्न गरेको छ ।

बढुवा गरिएका मध्ये चार जना ०४९ वैशाखमा एकै पटक प्रहरी सेवामा छिरेका हुन् । ६ जना भने ०४९ चैतमा प्रहरीमा भर्ना भएका अधिकृतहरु रहेको गृह मन्त्रालयल् जनाएको छ ।

बढुवा सिफारिसको १ नम्बरमा घनश्याम अर्याल रहेका छन् । त्यसपछि प्रकाशजंग कार्की र वसन्तकुमार पन्तको नाम सिफारिस भएको छ ।

इश्वरबाबु कार्की समेत बढुवाको सिफारिसमा परेका छन् ।

शहकुल थापा, धिरजप्रताप सिंह, वसन्तकुमार लामा, रविन्द्रबहादुर धानुक, उत्तमराज सुवेदी र अरुणकुमार विसी पनि बढुवा सूचीमा रहेको गृह मन्त्रालयले जानकारी दिएको छ ।

डीआईजीको दरबन्दी घटेपछि लामो समयदेखि बढुवा प्रक्रिया रोकिएको थियो ।

अन्ततः सरकारले प्रहरी अधिकृतहरुको बढुवा टुंगो लगाएको हो । अब प्राविधिकबाहेक २६ जना रहेको डीआईजीको दरबन्दी घटेर १४ कायम भएको छ ।

प्रहरीमा ४ जना डीआईजी भने अहिले पनि कार्यरत छन् ।