रोचक खवर

डडेलधुरा अस्पतालको आइसुलेसनबाट आमाछोरा फरार

डडेलधुरा । कोरोना भाइरसको संक्रमण भएको आंशकामा आइसुलेसनमा राखेर उपचार गराइराखेका दुई बिरामी डडेलधुरा अस्पतालबाट भागेका छन् ।

स्थानीय प्रशासनका अनुसार उनीहरु शनिबार दिउँदो अस्पताललाई जानकारी नै नगराई भागेका हुन् । भागेका मध्ये आमा छोरा रहेको बताइएको छ ।

छोरा भारतबाट नेपाल आएका थिए । कोरोनाको आंशका पछि उनीहरुको नमुना परिक्षणका लागि काठमाडौं पठाएर उनीहरुलाई आइसुलेसन वार्डमा भर्ना गरिएको थियो ।

तर, रिर्पोट नआउँदै उनीहरु भागेका हुन् । सरकारलाई भारतमा रोकिएका नेपाली भित्राउन ठूलो दवाव छ ।

स्वयमः नेपाली नेपाल आइसकेपछि क्वारेन्टानइ वा आइसुलेसनमा बस्न नमान्दा समाजमा चूनौति थपिएको छ ।

उनीहरुको खोजी भइरहेको प्रहरीले जनाएको छ । भारतबाट धेरै नेपाली भित्रिएको सुदुरपश्चिममा कोरोनाको संक्रमण समाजमा फैलिएको आंशकामा अहिले परिक्षण तिब्र बनाइएको छ ।