न्यूयोर्क/अमेरिका

कोभिड १९ को बिरामी भएर अस्पताल भर्ना भएका बिरामीलाई क्वारेन्टाइनको ब्यवस्था गरिएको छ । न्युयोर्कमा कोरोना भाईरसका कारण क्वारान्टाईनमा बस्नु पर्ने भएमा निशुल्क होटल ब्यवस्था गरिएको छ । अधिकारले आज एक सुचना जारी गरी क्वारेन्टाइनमा बस्नु पर्ने बिरामीका लागि होटलको नाम र ठेगाना सार्वजनिक गरेको छ ।

कोभिड १९ पोजेटिभ देखिएपछि परिवारका सदस्यबाट अलग्गै बस्नु पर्ने बिरामीहरुका लागि विषेश बसोबासको व्यवस्था मिलाउन अधिकारले काउन्सिल मेम्बर ड्यानिल ड्रोम र न्यूयोर्क सिटि हस्पिटलसंग मिलेर काम गर्दै आएको थियो ।
यो निर्देशिका न्यूयोर्क शहरको स्वास्थ्य तथा अस्पताल सेवा न्यूयोर्क सिटि स्वास्थ्य तथा अस्पताल(एच एच) अन्तर्गतका अस्पतालहरुमा मात्र लागु हुन्छ । एचएचका अनुसार यदि १४ दिनसम्म क्वारेन्टाइनमा बस्नु परेमा सबै खर्च तिरिएको होटेलको कोठाको माग गर्न सकिनेछ । एच एच अन्तर्गतको अस्पतालमा आकस्मिक सेवा (ईमरजेन्सी) मा भर्ना भइ अस्पतालले क्वारेन्टाइनमा बस्न पठाएको र उपचार पछि अस्पतालले घर पठाउन लागेको अवस्थामा यो सेवा लिन सकिनेछ । अस्पतालमा दोभाषेको आवश्यक परेमा ३११ मा फोन गरेर यो सेवा लिनका लागि अनुरोध गर्न सकिनेछ ।
क्वारान्टाईनका लागि निस्शुल्क होटेलको कोठा सहित खानपिनको पनि व्यवस्था गरिनेछ । त्यसको साथै अन्य रोगको लागि विषेश हेरचाह, होम केयर र स्वभाव बारे स्वास्थ (बिहेबियरल हेल्थ) सेवा पनि उपलब्ध गराईनेछ । तर होटेलमा आईसियू सेवा भने पाईंदैन ।
अधिकारले यी जानकारीका सुचनाहरु विभिन्न भाषाहरुमा छापेर अस्पतालको ढोकाहरुमा टाँस्न र प्रवेशद्वारमा बस्ने कर्मचारी र सुरक्षाकर्मीहरुलाई पर्चाहरु बाड्न लगाउन पनि अनुरोध गरेको जनाएको छ । ज्याक्सन हाइट स्थित एल्मष्र्ट हस्पिटलमा भने यस बारे तयारी शुरु गरिएको छ । अधिकारलेथप जानकारीका लागि आगामी साता जानकारी मुलक भिडियो बनाउने तयारी गरेको जनाएको छ ।