काभ्रे । नेपालमा लकडाउन शुरु हुनु अगाडी नै छिरिसकेका काभ्रेका दुई युवामा र्यापिड टेस्टका दौराना कोरोनाको लक्षण पोजेटिभ पाइएको छ । अब उनीहरुको पीसीआर विधिबाट फाइनल परीक्षण गरिने छ ।

उक्त परीक्षणसमेत समेत पोजेटिभ देखाएमा भने उनीहरुमा कोरोना पुष्टी हुनेछ । उनीहरु दुबै जनालाई मंगलबार धुलिखेल अस्पताल ल्याइएको छ ।

आजै उनीहरुको पीसीआर विधिबाट परीक्षण गरिदैछ । अस्पताल स्रोतका अनुसार वेथानचोक ५ का २८ वर्षीय युवक ९ चैतमा भारतबाट आएका थिए ।

उनी होम क्वारेन्टाइनमा बसेका थिए । उता, मण्डनदेउपुर–३ का २३ वर्षका युवक समेत चैत ७ मा दुबईबाट नेपाल आएका थिए ।

नेपालमा ११ चैतबाट लकडाउन शुरु भएको हो । विदेशबाट आएपनि घरमै क्वारेन्टाइनमा बसेको युवाले बताएका छन् ।

सरकारले अहिले अधिकांश जिल्लामा र्यापिड टेस्ट थालेको छ । पहिलो चरणमा विदेशबाट फर्किएका मानिसमा परीक्षण थालिएको हो ।