काठमाडौं । हावाहुरी र चट्याङले मुलुकभरको विद्यूत प्रसारण लाइनमा असर गरेको छ । बुधबार राती पौने ९ बजे देभैभर लाइन गएको हो ।

यसले करिब १५ मिनेट देश अन्धकार बनेको छ । राष्ट्रिय विद्युत प्रसारण लाइनमार्फत वितरित विद्युत सेवा पूर्ण रुपमा अवरुद्ध भएको नेपाल विद्युत प्राधिकरणले जानकारी दिएको छ ।

अवरुद्ध सेवा सूचारु गर्न तत्काल प्राविधि खटिएका थिए । करीव एक घण्टा भित्र देशभरकै प्रसारण लाइनमा विद्युत आइसकेको प्राधिकरणले जनाएको छ ।

प्राधिकरणका अनुसार केन्द्रीय प्रणाली नै अवरुद्ध भएकाले देशभर विजुली गएको हो । प्राधिकरणका अनुसार चट्याङ तथा हावाहुरीका कारण कुनै आयोजना सटडाउन भएपछि माग र आपूर्तिको सन्तुलन नमिल्दा यसरी समस्या सिर्जना हुन्छ ।