न्यूयोर्क

अमेरिकाको न्यूयोर्कमा गत मार्च २४ तारिख कोरोनाको संक्रमणबाट निधन भएका अनिल लिम्बुको परिवारलाई  आर्थिक सहयोग  गरिएको छ । मृतक अनिलको नाममा खोलिएको “गोफण्डमी” नामक अनलाईन   सहयोग साईट मार्फत संकलन गरिएको रकम २१ हजार ७ सय ६ मध्येमा गोफण्डमी शुल्क कटाएर बाॅकी हुन आउने रकम बिस हजार नौसय चालिस अमेरिकन डलर सहयोग रकम मृतकका श्रीमती शान्ता लावती सुब्वाको क्यापिटलवनको बैंक खातमा जम्मा हुनेगरी स्थानान्तरण गरिएको कुरा राहत संकलनका अभियन्ता नेपाली जनसम्पर्क समिति अमेरिकाका महासचिव मुनिद्र नेम्बाङले जानकारी गराए । मृतक लिम्बुको परिवारलाई हस्तान्तरण गरिएको उक्त रकमको नेपाली मुल्य झन्डै २५ लाख हुन आउँछ । सहयोग रकमले पीडितको परिवारलाई केही राहत पुग्ने बताउँदै, नेम्बाङले राहत जुटाउनका लागि सबै संघसंस्थाका प्रमुख एवं प्रतिनिधि, सामाजिक अभियन्ता र आम नागरिकले सहयोग गरेको बताए । भर्जिनियावासी डा. देशराज सम्योगले गोफण्डलाई संचालनमा ल्याएर प्राविधिक रूपमा सहयोग गरेका थिए भने परिवारको तर्फबाट पुष्पलता सुब्वा रसुभद्रा सुब्वाले सबैलाई सहयोग गर्न अनुरोध गरेका थिए । यसको समन्वय किराँत याक्थुङ चुम्लुङ अमेरिकाले गरेका थिए ।पाँचथरको कुम्मायक गाउँपालिका रानीगाउँमा जन्मिएको अनिल सुब्वा लिम्बु बिगत लामो समयदेखि अमेरिकाको न्यूयोर्कमा रहदै आएका थिए । ४९ बर्षीय अनिल लिम्बुको श्रीमती शान्ता लावती लिम्बु, दुई छोराहरू प्रकाश सुब्वा लिम्बु, ताङछो हाङ सुब्वा लिम्बु र एक छोरी रेनुसब्वा लिम्बु छन् ।