काठमाडौं । भक्तपुरको पेप्सिकोला टाउन प्लानिङस्थित सनसिटी अपार्टमेन्टमा आज करीव ३ जना व्यक्तिमा कोरोनाको परीक्षण भएको छ ।

कोरोना संक्रमण पुष्टी भएका दुई जना नागरिक बस्ने ब्लकमा आज र्यापिड टेस्ट (आरडीटी) प्रविधिबाट कोरोनाको परीक्षण गरिएको हो ।

परीक्षणमा नतिजा नेगेटिभ आएको छ । यसले उक्त क्षेत्रमा दुई दिनदेखि व्याप्त डर केही हदसम्म कम भएको छ ।

कागेश्‍वरी मनोहरा नगरपालिकाका अनुसार बेलायतको लण्डनबाट आएका परिवार बसेको ब्लक ए टावरमा रहेका सबै अपार्टेमन्टका करिब ३ सयजनाको परीक्षण बुधबार सम्पन्न भएको छ ।

सबै व्यक्तिमा कोरोना नेगेटिभ देखिएको हो। त्यहाँ पाँचवटा ब्लक छन्। सबै ब्लकमा बस्ने मानिसलाई परीक्षणको तयारी छ ।

परीक्षण गरिएकामध्ये कोरोना संक्रमित परिवारको फ्ल्याटमा सहयोगीको काम गर्दै आएका दुईजनाको भने पिसिआर प्रविधिबाट परीक्षण गरिने भएको छ ।

त्यसका लागि उनीहरुको स्वाब जनस्वास्थ्य प्रयोगशालामा पठाइएको छ ।

चैत ५ मा बेलायतबाट आएका एकै परिवारका आमा र छोरालाई कोरोना पोजेटिभ देखिएको छ। बुहारीमा भने कोरोना नेगेटिभ देखिएको छ । अपार्टमेन्टलाई अहिले प्रहरीले सिल गरेर राखेको छ ।