वीरगन्ज । कोरोनाबाट प्रभावित क्षेत्र वीरगञ्जमा सर्वसाधारणको उपस्थितिलाई अब कम गरिने भएको छ । बिहीबारदेखि अत्यावश्यक वस्तुका पसल बिहान ७ बजेसम्म मात्र खोल्न पाइने गरी स्थानीय प्रशासनले सूचना जारी गरेको छ ।

खाद्यान्न, दूध, ग्यास, तरकारीजस्ता अत्यावश्यक वस्तुको किनमेल बिहान ७ बजेसम्म मात्र गर्न पाइने प्रशासनले जनाएको छ ।

जिल्ला प्रशासन कार्यालय पर्साले बुधबार जारी गरेको सूचना अनुसार औषधि पसल मात्र २४ सै घण्टा खुला हुनेछन् ।

सहायक प्रमुख जिल्ला अधिकारी ललितकुमार बस्नेतका अनुसार अत्यावश्यक वस्तुको पसलबाहेक गल्ली, ठेलागाडा र चोकमा भने कुनै पनि सामानको बिक्री वितरण गर्न नपाइने भएको छ ।

वीरगञ्जमा तीन जना भारतीय नागरिकमा कोरोना संक्रमण भेटिएको थियो । यसबाहेक वीरगन्जमा काम गर्ने एक महिनामा कैलाली पुगेपछि कोरोना देखिएको हो ।

तर, उनीहरुमा कसरी कोरोना आयो भन्ने खुलेको छैन । वीरगन्जमा कोरोना देखिएपछि यहाँ प्रशासनले कडाई गरेको हो ।