फिचर

काठमाडौंमा लकडाउनमा कडाई, साँझ पसल खोल्न नपाइने

काठमाडौं । सरकारले काठमाडौंमा लकडाउनको कार्यान्वयनलाई अझै कडाई गरेको छ । बुधबारबाट प्रहरीले सडकमा चेकजाँच कडा पारेको छ ।

खाद्यान्न तथा तरकारी पसलहरुसमेत अब बिहान मात्र खुला हुने भएका छन् ।

कोभिड १९ सम्बन्धित उच्चस्तरीय समितिले काठमाडौंमा जोखिमको बढ्दो अवस्थालाई आंकलन गर्दै लकडाउनको कार्यान्वयनमा कडाई गर्ने निर्णय गरेको थियो ।

सोहीअनुसार सरकारी संयन्त्रले सडक तथा विभिन्न स्थानमा कडाई थालेको हो । काठमाडौंसहित देशैभर लकडाउनको उल्लंघन गरेमा १ महिना कैदसम्मको सजाय कार्यान्वयनमा ल्याउने निर्णय सरकारले गरेको थियो ।

कोरोना भाइरसको संक्रमण रोकथाम तथा नियन्त्रणका लागि यस्तो कदम उठाउनु परेको हो ।

नेपालमा १५ वैशाखसम्म लकडाउन कायम रहेको छ । ११ चैतबाट लकडाउन शुरु भएको हो । नेपालमा अहिलेसम्म कूल १६ जनामा कोरोना भाइरसको संक्रमण देखिएको छ ।