रोचक खवर

अमेरिकी सरकारको १२ सयको कोरोना राहत रकम बन्द भै सकेका र मृत्‍यु भै सकेका मान्छेको खातामा भटाभट जम्मा

न्युयोर्क

अमेरिकी सरकारले प्रदान गर्ने कोरोना भाइरस राहतको आर्थिक प्याकेजको रकम यो हप्ता मात्र १ करोड अमेरिकीको खातामा सिधै पुग्ने अपेक्षा अर्थ मन्त्रालय (ट्रेजरी डिपार्ट्मेन्ट) को थियो । तर पैसा पठाइएका सबै अमेरिकीका बैंक खातामा पैसा पुगेको छैन । लाखौं अमेरिकी जनता सरकारी आर्थिक प्याकेज प्राप्त गर्न योग्य हुँदा हुँदै पनि ब्यांक खातामा पैसा नआएका कारण संकटको समयमा अर्को चिन्तामा परेका छन् । खातामा पैसा जम्मा नभएका लाखौं अमेरिकी अहिले “पेमेन्ट ट्र्याकिङ” गर्न खोज्दै छन् । तर पोर्टलले समेत बिभिन्न किसिमका “एरर् मेसेज” दिने गरेको छ भने थुप्रै राहत रकम मृत्‍यु भै सकेका ब्यक्तीहरुको ब्यांक खातामा जम्मा हुन पुगेको छ ।  

अमेरिकीहरुलाई अर्थ मन्त्रालय मार्फत पठाईएको राहत रकमको सम्बन्धमा ए बि सि न्युजले लेखेको छ – न्युजर्सीस्थित वाटर फोर्ड वर्कर्समा कार्यरत ब्रायन लिड्स आफ्नी बिधुवा आमाको सहयोगका लागि राहत रकम कुर्दै थिए । उक्त राहत रकम प्राप्त हुने बित्तिकै उनलाई आफ्नी आमाको कोठा भाडा र बिलहरुको भुक्तानी दिनु थियो । गत जनवरीमा ब्रायनले नियम अनुसार कर दाखिला पनि गरेका थिए । उनले कर दाखिला गर्दा आफ्नो ब्यांक खाता मार्फत नै करको पैसा कारोबार गरेका थिए । तर अहिले महामारीको समय छ सरकारी राहत बाढन् थालेको समाचार आयो । ब्रायनले आई आर एसले भर्खरै सुरु गरेको “गेट माई पेमेन्ट”  मार्फत राहत रकमको जानकारी लिए तर पैसा उनको खाता नम्बरमा होईन उनको खाता नम्बरको अन्तिम एक अक्षर छुटाएर गलत नम्बरमा पठाईएको रहेछ । अहिले उनको दिन चर्या कहिले ब्यांकमा फोन गर्ने त कहिले आई आर एसमा फोन गर्ने गरेर बितेको छ । तर आर्थिक संकटको समयमा आउनु पर्ने पैसा अलमलमा परेपछि उनी जिल्ल परेका छन् ।  

आई आर एसले राहत रकमको अवस्था पत्ता लगाउन सुरु गरेको पोर्टलले समेत फरक फरक समयमा फरक फरक सन्देश देखाउने गरेको छ । कतिपयलाई ब्यांक खाता आई आर एससँग हुँदा हुँदै “खाता नम्बर छैन” भन्ने सन्देश आउँछ भने कतिपयलाई “पेमेन्ट स्ट्याटस नट अभाइलेबल” भन्ने सन्देश आउने गरेको छ । बुधबार दिनभर जसो अमेरिकास्थित सामाजिक संजाल यिनै बिषयको चर्चामा रहे ।  

ब्रायन मात्र होईन टेक्ससस्थित फुल टाईम विद्यार्थी मिकेल थोमसको कथा पनि यस्तै छ । थोमसले सन् २०१८ को ट्याक्स फाईल गर्दा र संन् २०१९ को ट्याक्स  फाईल गर्दा फरक फरक ब्यांक खाता प्रयोग गरेका थिए । थोमसको अहिले २०१८ मा ट्याक्स फाईल गर्दा प्रयोग गरेको खाता बन्द भै सकेको छ । उनले सन् २०१९ को ट्याक्स रिटर्न बापत नयाँ खातामा नै पैसा प्राप्त गरेका थिए तर अहिले राहत रकम बन्द गरी सकेको खाता पैसा पठाईएको रहेछ । थोमस अहिले सरकारले पठाउने निर्णय गरेको त्यही राहत रकम आउला र कोठा भाडा तिरौला भनेर बसेका थिए तर गलत खातामा पैसा पठाईएको हुँदा उनी पनि कोरोनाको पिडा त छदैंछ पैसाको थप पिडामा फसेका छन् ।  

उदेको लाग्दो कुरा त यो छ कि, जिउँदै भएका मानिसको खातामा पैसा आएको छैन तर कतिपय पैसा मृत्‍यु भै सकेको मानिसको खातामा समेत गएको छ । बुधबार केन्टकी राज्यका रिपब्लिकन प्रतिनिधि थोमस मेसीले मृत्‍यु भै सकेको मानिसको खातामा पैसा जम्मा भएको सुचना सेयर गरे । रिप्रेजेन्टिभ थोमसले आफ्नो ट्विटरमा एक ट्विट् गर्दै “आफ्नो एक जना साथीले सन् २०१८ मा नै मृत्‍यु भै सकेको पिताको ब्यांक खातामा पैसा जम्मा भएको बताएको” लेखे । बुधबारनै जे पि मोर्गन चेस ब्यांकले आफ्ना थुप्रै ग्राहकहरु जस्को बन्द भै सकेको खातामा पैसा आएको बताएको छ ।