न्युयोर्क

यो हप्ता आई आर एसले ८ करोड मानिसको खातामा संघीय सरकारद्वारा उपलव्ध गराइएको कोरोना राहत प्याकेजको रकम पठायो । यदि तपाईं त्यो पैसा पाउने भाग्यमानीमा पर्नु भएन भने यो नसोच्नुस् कि तपाईंले अब पैसा प्राप्त गर्नु हुन्न ।

कुल जनसंख्याको झन्डै ८० प्रतिशत मानिस यो राहत रकम प्राप्त गर्न योग्य हुँदा हुँदै पनि यो हप्ता तपाईंले मात्र आफ्नो बैंक खातामा पैसा नदेखेको होईन । अर्को ६ करोड मानिस पनि ब्यांक खातामा डाइरेक्ट डिपोजिटको लागि कुरी रहेका छन् । तपाईंले यो हप्ता पैसा नपाउनुको ५ कारण यस्ता छन् :

१) यदि सन् २०१८ र १९ मा फेडरल ट्याक्स  रिफन्ड लिएको छैन भने : अहिले राहत रकम पठाउदा आई आर एसले सन् २०१८/१९ मा फेडरल रिफन्ड रकम पठाएको ब्यांक खातामा पैसा पठाएको हो । यदि तपाईंले २०१८ र २०१९ मा ईलेक्ट्रोनिक ट्याक्स फाईल पनि गर्नु भएको छ । तपाईंको खाता नम्बर आई आर एससँग भए पनि तपाईंले फेडरल रिफन्ड प्राप्त गरेको छ भने मात्र त्यो खातामा पैसा आएको हो । तपाईंले आई आर एसलाई ट्याक्सको पैसा तिरेको छ भने त्यो खातामा अहिले आई आर एसले पैसा पठाएको छैन ।  

२) तपाईंको पैसा पुरानो खातामा गएको पनि हुन सक्छ : यदि तपाईंले सन् २०१९ मा फेडरल  टयाक्स रिफन्ड पाएको छैन वा सन् २०१९ को ट्याक्स फाईल गरेको छैन भने सन् २०१८ मा रिफन्ड् प्राप्त गरेको ब्यांक खातामा पैसा गएको हुन सक्छ । केही मानिसहरुले समाचार एजेन्सी सि एन एनलाई भनेका छन् उनिहरुको पैसा आई आर एसलाई बन्द भै सकेको खातामा पठाएको छ । यस्तो अवस्थामा ब्यांकले पैसा आई आर एसलाई फिर्ता पठाउँदछ र केही हप्ता पछि चेक घरमा आउँदछ ।  

३) कर दाखिला गर्ने ब्यक्तीले खडा गरेको अस्थाई खातामा : तपाईंलाई थाहा नहुन पनि सक्छ कहिले काँही ट्याक्स तयार गर्ने ब्यक्तीले खडा गरेको अस्थाई खातामा तपाईंको ट्याक्स रिफन्ड लिई पछी आफ्नो ट्याक्स तयार गरेको सुल्क कटाएर त्यसपछी मात्र तपाईंको आफ्नो ब्यांक खातामा वा डेबिट कार्डमा पठाउने गरेको पनि हुन सक्छ ।  यस्तो अवस्थामा पैसा प्राप्त गर्न समय लाग्न सक्छ । सन् २००८ मा सरकारले पठाएको स्टिमुलस रकम प्राप्त गर्दा २ करोड मान्छे यस्तो अवस्थाले अप्ठेरोमा परेका थिए ।  पछि ती २ करोड मानिसको चेक घरमा आएको थियो ।  

४) यदि तपाईंले सन् २०१९ मा ट्याक्स फाईल गर्दा ईलेक्ट्रोनिक नगरेर कागजी फाईल गर्नु भएको छ भने : यदि तपाईको सन् २०१८ को ट्याक्स रिफन्ड ब्यांक खातामा डाइरेक्ट डिपोजिट भएको छैन र सन् २०१९ मा ट्याक्स फाईल कागज नै हुलाकबाट पठाएर गर्नु भएको छ भने पनि तपाईंले यो हप्ता राहत रकम खातामा देख्नु भएन ।  अहिले आई आर एसको अधिकांश काम कोरोना महामारीका कारण ‘रिमोट्ली’ (नियमित कार्यालयमा नगई) भई रहेको छ । हुलाकबाट आएका कागजी ट्याक्स अभिलेख पुन: कार्यालय नखुलेसम्म प्रकृयामा गएका छैनन । यस्तो अबस्थामा केही समय पछि हुलाक मार्फत चेक तपाईंको घरमा आउने छ ।  

५) ट्याक्स फाईल गर्नै नपर्ने अवस्था हुँदा :

अमेरिकामा लाखौं त्यस्ता ब्यक्ती पनि छन् जसले न्युन आम्दानी भएको कारण ट्याक्स फाईल गर्नु पर्दैन । साधारणतया अघिल्लो बर्ष प्रतिब्यक्ती १२,२०० डलर र दम्पत्तीले २४,४०० डलर आम्दानी गर्नेले आई आर एसको पूर्ण नयाँ फर्म भर्नु नपर्ने अवस्थाका मानिसले हालै स्टिमुलस रकमको लागि आई आर एसले सुरु गरेको नाम जन्ममिति र सोसल सेक्युरिटी नम्बर भर्नु पर्दछ । जुन सामान्य फर्ममा आम्दानी भने खुलाउनु पर्दैन ।    

श्रोत : सि एन एन