स्वास्थ्य

कोरोना संक्रमित बागलुङकी ६५ वर्षीया महिला पनि डिस्चार्ज

पोखरा । कोरोना सम्बन्धी शनिबार नेपालमा दुई उत्साहजनक खबर सार्वजनिक भएका छन् ।

कोरोनाबाट दोस्रो संक्रमित युवती अस्पतालबाट डिस्चार्ज भएकै दिन बागलुङकी ६५ वर्षीया महिला पनि डिस्चार्ज भएकी छिन् ।

यससँगै नेपालमा तीन जनाले कोरोना रोगलाई जित्दै घर फर्कन सफल भएका छन् । नेपालमा कूल ३० जनामा संक्रमण पुष्टी भएको छ ।

त्यसमध्ये एक जना पुरुष शूरुवाती दिनमै निको भएर घर फर्केका थिए । आज दुई जना घर फर्किएका छन् ।

बागलुङकी ६५ वर्षीया महिला नेपालमा कोरोना संक्रमित छैटौं बिरामी हुन्। उनको धौलागिरि अञ्‍चल अस्पतालको आइसोलेसनमा उपचार भइरहेको थियो ।

चौथोपटक गरिएको थ्रोट स्वाव परीक्षणमा नतिजा नेगेटिभ आएपछि उनलाई अस्पतालले शनिबार डिस्चार्ज गरेको छ ।

बेल्जियमबाट कतार हुँदै नेपाल आएकी उनलाई चैत २० मा कोरोना संक्रमण पुष्टि भएको थियो।