काठमाडौं । नेपालमा थप एक जनामा कोरोना संक्रमण पुष्टी भएको छ । स्वास्थ्य मन्त्रालयका अनुसार यो सँगै संक्रमितको संख्या नेपालमा ३१ पुगेको छ ।

मन्त्रालय स्रोतका अनुसार रौटहतमा १२ जनामा कोरोना देखिएकै समूहका थप एक जनामा कोरोना पुष्टी भएको हो ।

नयाँ संक्रमित ३१ वर्षिय पुरुष भएको मन्त्रालयले जनाएको छ । उनी पनि भारतीय नागरिक रहेको बताइएको छ ।

भारतबाट लुकिछिपी नेपाल छिरेका व्यक्तिहरुलाई धमाधम कोरोना देखिएको छ ।

शनिबार नै टेकु अस्पतालबाट एक जना र बागलुङको धौलागिरी अस्पतालबाट एक जना कोरोना संक्रमित विरामी निको भएर डिस्चार्ज भएका छन् । नयाँ संक्रमितसहित २९ जना अस्पतालमा छन् ।