जनकपुरधाम । जनकपुरको महावीर चोकमा पैसा फालेर फरार दुई महिना पक्राउ परेका छन् । पक्राउ लगत्तै उनीहरुको आरडिटी विधिबाट कोरोना परीक्षण गरिएको थियो ।

जसमा एक महिनामा आरडीटी रिपोर्ट पोजेटिभ आएको प्रादेशिक अस्पताल जनकपुरले जानकारी दिएको छ ।

कोरोना भाइरस संक्रमणको संत्रास फैलिरहेका बेला शुक्रबार जनकपुरमा दुई जना महिलाले सडकमा पैसा फ्याँक्दै हिँडेका थिए ।

त्यसपछि फरार भएको भनिएको महिलालाई प्रहरीले नियन्त्रणमा लिई प्रादेशिक अस्पताल जनकपुरमा परिक्षणका लागि पुरयाएको थियो ।

उनीहरु दुबैजनाको अहिले पिसिआर टेस्ट भइरहको छ । उक्त विधिबाट पनि पोजेटिभ आएमा भने कोरोना पुष्टी हुनेछ ।

शुक्रवार दिउँसो महावीर चोकमा पैसा फालेर फरार भएको सिसिटिभी फुटेजको आधारमा जनकपुरधाम उपमहानगरपालिका–७ जानकीनगरकी आमुना खातुन र अलिना खातुनलाई शनिवार दिउँसो प्रहरीले पक्राउ गरेको हो ।

उनीहरु नन्द भाउजु भएको प्रहरीले जनाएको ।