टोकियो । कोरोना भाइरसले संसारका विकसित मुलुकलाई हायलकायल पारेको छ । किनकी उनीहरुलाई चूनौति गिर्दो साँख जोजाउनु पनि रहेको छ ।

गरिब त यसै गरिब, उसलाई खासै गुमाउनु केही छैन ।

तर, विकसित मुलुकलाई आफ्ना नागरिकको जीवन बचाउनु एकातर्फ छ भने आफ्नो मुलुकको स्वास्थ्य प्रणालीबार् विश्वभर उठिरहेको प्रश्नको जवाफ दिनु र त्यो साँखा गिरेको छैन भन्ने मान्यता कायम राखिराख्नु चूनौतिपूर्ण अवस्था सिर्जना भएको छ ।

अहिले यस्तै प्रश्नको सामना गरिरहेको छ, जापान । यहाँ कोरोनाका नयाँ नयाँ बिरामी आउने क्रम जारी रहिको छ ।

यसले छिट्टै जापानको चिकित्सा प्रणाली नै बिग्रन सक्ने चेतावनी त्यहाँका चिकित्सकहरुको रहेको छ ।

संक्रमित बिरामीको भार र उनीहरुको उपचारमा केन्द्रित हुँदा आपतकालिनरुपमा आएका केही गम्भिर बिरामीलाई समेत अस्पतालले उपचार गर्न नपाएको गुनासो जापानमा आएको छ ।

यसले त्यहाको स्वास्थ्य प्रणालीलाई चूनौति पेश गरेको छ । खासगरी चीनको कोरोनाको उपचारका लागि छुट्टै अस्पताल निकै तिब्र गतिमा बनायो जसले गर्दा अन्य रोगको उपचार पनि रोकिएन ।

तर, विश्वका ठूलो र विकसित मुलुक नै कोरोनाको संक्रमणबाट बच्न र लड्न चुक्दै आइरहेका छन् ।

कोरोना लक्षण भएका एक विरामीलाई ८० वटा अस्पतालले भर्ना लिन नमानेको विवरण सार्वजनिक भएका छन् ।

जापानका दुई चिकित्सक संघहरूले कोरोनाका कारण गम्भिर र आपतकालिन स्थितिमा उपचार गराउन आउने अन्य विरामीहरूको उपचार गर्ने अस्पतालको क्षमता कम भइरहेको उल्लेख गर्दै सरकारलाई सचेत गराएका छन् ।

चिकित्सकहरूले कोरोना उपचारका लागि आवश्यक सुरक्षात्मक पोसाक तथा उपकरण लगायत सामग्रीको समेत अभाव भएको भन्दै जापान कोरोनाविरुद्ध लड्न तयारी अवस्थामा नरहेको प्रतिक्रिया दिएका छन् ।

शनिबारसम्म जापानमा १० हजार जनामा कोरोनाको संक्रमण पुष्टि भइसकेको छ। यहाँ अहिलेसम्म २ सय जनाको ज्यान गएको छ ।