काठमाडौं । आज प्रमुख प्रतिपक्षी दल नेपाली कांग्रेसको पदाधिकारी बैठक बस्ने भएको छ । सरकारले ल्याएका दुई अध्यादेशबारे छलफल गर्न नेपाली कांग्रेसको पदाधिकारी बैठक मंगलबार बस्न लागेको हो ।

खासगरी संवैधानिक परिषद्मा विपक्षी दलको नेता नभएपनि निर्णय दिन सक्ने व्यवस्थ र दल विभाजनलाई सहज बनाउने गरी सरकारले सोमबार दुई अध्यादेश ल्याएको थियो ।

त्यसमध्य एक नेपाली कांग्रेससँग सिधै सम्बन्धित छ । किनकी कांग्रेस सभापति विपक्षी दलका नेता हुन् ।

बैठक पार्टी सभापति शेरबहादुर देउवाका निवास बूढानीलकण्ठमा मंगलबार बिहान बस्न लागेको हो ।

सरकारले जारी गरेका दुवै अध्यादेश राष्ट्रपतिबाट प्रमाणीकरण भएर नेपाल राजपत्रमा प्रकाशित भइसकेको छन् । यसअघि कांगेसले अध्यादेशलाई बेमौसमी बाँसुरीको संज्ञा दिइसकेको छ ।