काठमाडौं । उत्तर कोरियाली नेता किम जोङ उन गम्भीर बिरामी भएको पश्चिमा संचारमाध्यमले उल्लेख गरेका छन् । यद्दपी यसको पुष्टी भएको छैन । अमेरिकी गुप्तचर निकायको हवाला दिँदै सिएनएनले यसबारेमा एक रिपोर्ट गरेको छ ।

जसनअनुसार उनको एक शल्यक्रिया भएको थियो । त्यसपछि उनको स्वास्थ्यमा गडबडी देखिएको छ । उनी अहिले गम्भीर बिरामी भएका छन् ।

केही दिन अगाडी आफ्ना हजुरबा किम इल सुङको जन्मजयन्ती समारोहमा उनी अनुपस्थित थिए । सोहीकारण उनी बिरामी भएको खबर सार्वजनिक भएको थियो ।

अप्रिल ११ मा भने उनी एक सावैजनिक बैठकमा भाग लिन गएका थिए ।

सन् २००८ मा पनि किम जोङ इल उत्तर कोरियाको ६०औं वार्षिकोत्सवमा अनुपस्थित भएयता उनले सार्वजनिक कार्यक्रम छुटाएका छैनन् ।

सोहीकारण पनि पश्चिमाहरु उनी गम्भीर बिरामीसँग जुधिरहेको अनुमान गर्छन् ।

विश्वमा सबैभन्दा निरंकुश कम्यूनिष्ट शासन व्यवस्था भएको उत्तर कोरिया बाँकि विश्वभन्दा फरक व्यवस्थाबाट चलिरहेको छ । उसले आफ्ना सबै सूचनाहरु गोप्य राख्ने गर्छ ।
एजेन्सी