प्रधानमन्त्रीको आदेशमा आफ्ना नेताको अपहरण भएको समाजवादीको आरोप
Vishwanews.com
22 April, 2020काठमाडौं । पार्टी फुटाउने प्रयोजनका लागि आफ्ना नेता तथा पूर्वस्वास्थ्थ राज्मन्त्री डा. सुरेन्द्र यादवलाई अपहरण गरिएको समाजवादी पार्टीले आरोप लगाएको छ ।
सप्तरी निवासी पूर्वस्वास्थ्य राज्यमन्त्री तथा समाजवादी पार्टीका केन्द्रीय सदस्य प्रधानमन्त्री केपी शर्मा ओलीको ठाडो आदेशमा प्रहरीले अपहरण गरेको समाजवादी पार्टीको आरोप छ ।
यससँगै केन्द्रिय राजनीतिमा अध्यादेशको तरंग देखिन थालेको छ ।
सम्भवत बिहीबारसम्म राष्ट्रिय राजनीतिमा केही न केही परिवर्तनको सम्भावना रहेको बताइएको छ ।
साँझ ५ बजे पूर्वस्वास्थ्य राज्यमन्त्री तथा समाजवादी पार्टीका केन्द्रीय सदस्य डा. सुरेन्द्र यादवलाई प्रधानमन्त्रीको ठाडो आदेशमा काठमाडौंबाट गएको प्रहरी टोलीले जनकपुरबाट अपहरण गरेर पार्टी फुटाउने प्रयोजनका लागि काठमाडौंतिर लगेको पार्टीले उल्लेख गरेको छ ।
यता, समाजवादी पार्टी र राजपाबीच एकताको प्रक्रिया चलिरहेको छ । रातारात एकता प्रक्रिया टुंग्याउने तयारीमा नेताहरु जुटेका छन् ।
