काठमाडौं । नेपालमा बिहीबार दुई जनामा कोरोना भाइरसको संक्रमण देखिएको छ । दुई जनामा कोरोना भाइरसको संक्रमण पुष्टी भएको स्वास्थ्य मन्त्रालयले जनाएको छ । अब नेपालमा कुल संक्रमित संख्या ४७ पुगेको छ ।

९ जना भने निको भएर घर गइसकेको छन् । मन्त्रालयका अनुसार बिहीबार उदययुरमा ५५ वर्षीया महिला र जनकपुरमा १४ वर्षीय किशोरमा संक्रमण देखिएको छ ।

मन्त्रालयका अनुसार उदयपुरकी संक्रमित त्रियुगा नगरपालिका ३ भुल्केकी हुन् । त्यस क्षेत्रमा अहिलेसम्म २५ जनामा संक्रमण देखिएको छ । उनीहरु सबैको विराटनगरस्थित कोरोना कोराना विशेष अस्पतालमा उपचारार्थ भर्ना भएका छन् ।

पछिल्लो समय नेपालमा उदयपुरमा बढी मानिसमा संक्रमण देखिएको छ । त्यसपछि वीरगन्जमा संक्रमित रहेका छन् । सुदरपश्चिम भेगमा भने कोरोनाको प्रभाव कम भएको छ ।