स्वास्थ्य
भोजपुरमा पनि कोराना पुष्टी, कुल संक्रमित ४८
Vishwanews.com
23 April, 20203.7k shares
काठमाडौं । नेपालमा कोरोना संक्रमितको संख्या ४८ पुगेको छ । बिहीबार भोजपुरमा थप एक जनालाई कोभिड–१९ को संक्रमण पुष्टी भएको हो ।
यसअघि रौटहतकी एक महिला र जनकपुरका एक किशोरमा बिहीबार नै कोरोना देखिएको थियो । भोजपुरमा भने हथुवागढीका २६ वर्षीय पुरुषमा कोरोना संक्रमण भेटिएको हो ।
उनको थ्रोट स्बावको परीक्षण वीपी कोइराला स्वास्थ्य विज्ञान प्रतिष्ठान धरानमा गरिएको थियो । संक्रमित व्यक्ति विदेशबाट आएको बताइएको छ ।
नेपालमा संक्रमितको संख्या ४८ पुगेको छ भने १० जना उपचार पछि घर फर्किसकेका छन् । ३८ जना उपचारका लागि अस्पताल भर्ना भएका छन् ।
