समाचार

पौडी खेल्दाखेल्दै डुबेर ३ जना बालकको ज्यान गयो

बाँके । बाँकेमा खेल्दाखेल्दै ३ जना बालकको पानीमा डुबेर ज्यान गएको छ । बाँकेको बैजनाथपुरस्थित नालामा जमेको पानीमा डुबेर बिहीबार तीन जना बालकको मृत्यु भएको स्थानीय प्रहरीले जानकारी दिएको छ ।

प्रहरीका अनुसार बैजनाथपुर गाउँपालिका, २ पित्तमारीका १२ वर्षीय नविन परियार, १२ वर्षकै नरेश कुँवर र ११ वर्षीय अनिल राउतको ज्यान गएको छ ।

बैजनाथपुर २ पित्तमारीमा निर्माणाधिन क्षेत्रीय कारागार नजिकै उनीहरु नालामा पौडी खेल्ने क्रममा नालामा डुबेको बताइएको छ ।

पछिल्लो केही दिनयता लगातार परेको पानीले नालामा पानीको बहाव बढेको र थुनिएको नालामा डुब्दा उनीहरुको ज्यान गएको प्रहरीको अनुमान छ ।

घटनाबारे अनुसन्धान भइरहेको समेत प्रहरीले जनाएको छ । नेपालका विभिन्न स्थानमा अहिले निरन्तर वर्षा भइरहेको छ