फिचर

मलेसियामा दुई जना नेपालीले जिते कोरोना

क्वालालाम्पुर । मलेसियामा दुई जना नेपालीले कोरोना सङ्क्रमणबाट मुक्त हुन सफल भएका छन् । मलेसियास्थित नेपाली दूतावासका अनुसार दुई जना नेपालीले कोरोनालाई जित्दै निको निको हुन सफल भएका हुन् ।

मलेसियामा अहिलेसम्म तीन जना नेपाली श्रमिकमा कोरोना सङ्क्रमण देखिएको थियो । उनीहरु मध्ये दुई जना निको भएर काममा फर्किएको दूतावासले जनाएको छ । एक जनाको भने उपचार जारी रहेको छ ।

उनको समेत स्वास्थ्य अवस्था सामान्य रहेको बताइएको छ । मलेसियामा अहिलेसम्म ५ हजार ६०३ जनामा कोरोना सङ्क्रमण देखिएको छ । जसमध्ये ३५ सय ४२ जना निको भइसकेका छन् । यहाँ ९५ जनाको मृत्यु भएको छ । १९ सय ६६ जनाको उपचार जारी रहेको छ ।