स्वास्थ्य

उदयपुरमा र्यापिड टेस्टको तयारी, २ हजार मानिसमा परीक्षण गरिने

उदयपुर । नेपालमा सबैभन्दा बढी कोरोना संक्रमण देखिएको उदयपुरको भुल्केमा र्यापिड टेस्टलाई बढाइने भएको छ । यहाँ अहिलेसम्म २८ जना व्यक्तिमा कोरोना संक्रमित देखिएको छ । स्थानीय सरकारको पहलमा यस जिल्लामा कोरोनाको परीक्षण प्यापक बनाउन लागिएको हो ।

त्रियुगा नगरपालिकाका अनुसार प्रभावित क्षेत्रमा मात्र दुई हजार १ सय मानिसको पिसिआर प्रविधिबाट कोरोना जाँच गरिदैछ । किट आउने क्रममा रहेका कारण शनिबारबाट परीक्षणलाई व्यापक बनाउने तयारी नगरपालिकाले गरेको हो ।

जिल्ला सदरमुकाम गाईघाट बजार क्षेत्रमा समेत परीक्षण हुने भएको छ । २८ जनामा संक्रमण देखिएको भुल्के गाईघाट बजारबाट ३ किलोमिटर टाढा पर्छ ।

शुक्रबार भुल्केको एक मस्जिदमा रहेका १६ जनामध्ये १२ जनालाई कोरोना संक्रमण देखिएको थियो। लगत्तै बाँकी चार जनामा पनि संक्रमण पुष्टि भयो।

त्यसपछि समुदायस्तरमा पनि फैलिएको हुनसक्ने भन्दै झन्डै साढे ४ सयको परीक्षण गर्दा थप १२ जनामा संक्रमण देखिएको छ। १२ जना संक्रमित भुल्केका हुन् भने संक्रमण पुष्टि भएका अधिकांश भारतीय हुन् ।