काठमाडौं । नुनमा समेत बढी मूल्य खान खोजेपछि एक स्टोर्सले २ लाख जरिवाना तिर्नु परेको छ ।
वाणिज्य, आपूर्ति तथा उपभोक्ता संरक्षण विभागले तोकिएको मूल्यभन्दा बढी लिएर नुन बिक्री गरेको अभियोगमा इमाडोलमा एक स्टोर्टलाई जरिवाना तिराएको हो । विभागका अनुसार कटुवाल स्टोर्सलाई दुई लाख रुपैयाँ जरिबाना तिराइएको छ ।
विभागको टोलीले गरेको अनुगमनका क्रममा व्यापारीले उपभोक्तासँग नुनमा तोकिएको भन्दा बढी मूल्य लिएको पाइएको हो ।
विभागले मूल्यसूची नराखी सामान बिक्री गरेका ज्ञानेश्वरस्थित राजेन्द्र मिट शप, इमाडोलस्थित मुकेश जुस तथा फलफुल पसल र बाबुलाल फलफुल तथा तरकारी पसललाई ५०–५० हजार रुपैयाँ जरिबाना तिराएको छ । विभागले संकटमा कालोबजारी गर्नेमाथि निरन्तर अनुमगन तथा कारवाही गरिरहेको छ ।
