काठमाडौं । सरकारले आन्तरिक र अन्तर्राष्ट्रिय उडान माथिको प्रतिबन्ध थप गरेको छ । अब मे १५ अर्थात् जेठ २ गतेसम्म सबै प्रकारको व्यवसायिक हवाई उडान बन्द गर्ने निर्णय गरेको हो ।

कोभिड १९ रोकथाम तथा नियन्त्रण उच्चस्तरीय समन्वय समितिको बैठकले आन्तरिक एवम् वाह्य हवाई उडान जेठ २ गतेसम्मका लागि स्थगित नै राख्ने निर्णय गर्दै सोही निर्णय मन्त्रिपरिषदलाई सिफारिस गरेको छ ।

यसअघि वैशाख १८ गतेसम्मका लागि हवाई सेवामाथि रोक लगाइएको थियो ।

लकडाउनको बारेमा भने भोलिको मन्त्रिपरिषद्को बैठकले नै निर्णय गर्ने बताइएको छ । लकडाउनका सम्बन्धमा भने कुनै सूचना सार्वजनिक गरिएको छैन । लकडाउनको अवधि १५ वैशाखमा सकिदैछ ।