फिचर

काठमाडौंमा बिहान १० बजेसम्म पसल खुल्न थाले

काठमाडौं । काठमाडौं महानगरपालिका भित्र बिहान १० बजेसम्म पसल खुल्न थालेका छन् ।

यसअघि बिहान ७ बजेसम्म मात्र खुल्ने पसलहरुलाई महानगरपालिकाले १० बजेसम्म खुल्ने दिने अघोषित नीति लिएको हो ।

सोहीअनुसार पसलहरु खुल्न थालेका हुन् । खासगरी साना र खुद्रा व्यापारीले अब १० बजेसम्म आफ्नो व्यापार गर्न सक्ने छन् ।

यसका लागि व्यापारिले सुरक्षाको प्रवन्ध भने गर्नुपर्ने भएको छ ।

काठमाडौं उपत्यकामा दैनिक ज्यालादारीमा काम गर्ने र साना व्यापारी लकडाउनको मारमा परेका छन् ।

ज्यालादारीमा काम गर्ने मानिस समस्याका बीच धेरैजसो गाउँ फर्किसकेका छन् । तर, खुद्रा पसलेहरुले भने बिहान ७ बजेसम्म भए पनि व्यापार गर्दै आएका थिए ।

नेपालमा २५ वैशाखसम्म लकडाउन लम्बिएको छ । नेपालमा अहिलेसम्म ५२ जनामा कोरोना संक्रमण देखिएको छ । १६ जना घर फर्किसकेका छन् ।