काठमाडौं । बहराइनमा कोरोनाबाट संक्रमित हुने नेपालीको संख्या १२६ पुगेको छ ।
बहराइनमा पछिल्लो अपडेट अनुसार थप ७७ जना नेपालीमा कोरोना भाइरस संक्रमण पुष्टि भएको हो । बहराइनस्थित नेपाली दूतावासका अनुसार मंगलबारसम्म १ सय २६ जनामा कोरोना देखिएको हो ।
दूतावासका अनुसार नेपालीलाई सामाजिक दूरी कायम गरी राख्ने व्यवस्थापनका लागि स्थानीय प्रशासनसँग समन्वय भइरहेको छ ।
बहराइन धेरै नेपाली कामदार रहेको मुलुक हो । दूतावासका अनुसार बहराइनमा १ लाख २१ हजार २ सय ६० जना मानिसमा कोरोना परीक्षण भएको छ ।
यस मुलुकमा १ हजार ५ सय ५६ जनामा संक्रमण पुष्टि भएको छ । ८ जनाले ज्यान गुमाएका छन् ।
उपचारपछि निको भएर घर फर्किनेहरुको संख्या १ हजार २ सय ४६ रहेको छ ।
