कुवेत । कुवेतमा कोरोबाट संक्रमित नेपालीको संख्या ५१ नाघेको छ । मंगलबार एकै दिन २२ जना नेपालीमा कोरोना सङ्क्रमण पुष्टी भएको हो ।
कुवेतस्थित नेपाली दूतावासका अनुसार अब संक्रमित नेपालीको संख्या ५१ पुगेको हो । यसअघि २९ जना नेपालीमा कोरोना सङ्क्रमण पुष्टी भएको थियो ।
कुवेतमा नेपालीमा मानवीय क्षति भने भएको छैन । यस मुलुकमा करीव ७० हजार नेपाली कार्यरत रहेको अनुमान छ । कुवेतमा ३४ सय ४० जनामा कोरोना सङ्क्रमण देखिएको छ ।
११ सय ७६ जना उपचारपछि निको भएका छन् । २२ सय ४१ जनाको अस्पतालमा उपचार भइरहेको छ। कुवेतमा समग्र मानवीय क्षति पनि कम छ ।
