रोचक खवर

नेपालीको प्रतिव्यक्ति आय १ हजार ८५ डलर

काठमाडौं । नेपालीको वार्षिक प्रतिव्यक्ति आय औसतः एक हजार ८५ अमेरिकी डलर पुगेको छ । यसको मतलव १ लाख २६ हजार १८ रुपैयाँ औसतः प्रतिव्यक्ति आय पुगेको हो ।

केन्द्रिय तथ्यांक विभागले बुधबार मुलुकको आर्थिक विवरण सार्वजनिक गरेको हो । तथ्यांकअनुसार चालु आर्थिक वर्ष २०७६\७७ मा नेपाली नागरिकको प्रतिव्यक्ति आय १ हजार ८५ पुगेको हो ।

गत आर्थिक वर्ष २०७५\७६ मा प्रतिव्यक्ति आय १०४७ डलर रहेको थियो ।

यस वर्ष २.२७ प्रतिशतको आर्थिक वृद्धि हुने अनमुान छ । समग्र अर्थतन्त्र ओरालो लागेपछि त्यसले प्रतिव्यक्ति आयमा समेत प्रभाव पारेको हो ।

यस वर्ष विप्रेषण आयसमेत घट्ने अनुमान विभागले गरेको छ । विभागका अनुसार यस वर्ष सात खर्ब १६ अर्ब रुपैयाँ मात्र विप्रेषण आय हुनेछ ।

कुल गार्हस्थ उत्पादन .उपभोक्ता मूल्य)लाई कुल जनसंख्यालाई भाग लगाउँदा प्रतिव्यक्ति आय प्राप्त हुन्छ ।