समाचार

बीना निष्कर्ष सकियो नेकपा सचिवालय बैठक

काठमाडौं । नेताहरुबी विवाद चरमोत्कर्षमा पुगेका बेला बुधबार साँझ बसेको सत्तारुढ नेपाल कम्युनिस्ट पार्टी (नेकपा) सचिवालय बैठक बीना निष्कर्ष सकिएको छ ।

बैठकमा समसामयिक परिस्थितिको विषयमा गम्भिर रुपले समिक्षा भएपनि कुनै निर्णय भने नभएको प्रवक्ता नारायणकाजी श्रेठले जानकारी दिए ।

उनका अनुसार अर्को सचिवालय बैठक आगामी २० गते बस्ने भएको छ ।

यस बैठकले अहिलेसम्म उठेका विषय र स्थायी कमिटी बैठकको मागका सम्बन्धमा निर्णय गर्ने उनले जानकारी दिए ।

नेकपाभित्र शक्ति संघर्ष बढेसँगै राजनीतिक सरगर्मी बढेको छ ।

आज सचिवालय बैठकबाट ठोस निर्णयको आशामा बसेका नेता कार्यक्रताले भने २० गतेसम्म कुर्नुपर्ने भएको छ ।

यसअघि प्रधानमन्त्री केपी शर्मा ओली पक्षधर सांसदहरुले आफ्नो बहुमत रहेको देखाउन बुधबार बालुवाटारमा हस्ताक्षर अभियान चलाएका थिए ।