न्युयोर्क

कोरोनाले विश्वलाई आक्रान्त बनाई रहँदा संक्रमणले बिरामी परेकाहरुको उपचारका लागि भने एक नयाँ औषधिले आशा जगाएको अनुसन्धनात्मक औषधी निर्माणकर्ताले जनाएको छ ।  कोभिड -१९ को उपचारको लागि औषधी खोजकर्ताको हवाला दिंदै नेशनल इन्स्टिच्युट् अफ एलर्जी एण्ड इन्फेक्सियस डिजिजेज (एन आई ए आई डि) बाट आएको सकारात्मक आँकडाले आशा जगाएको गिलेड सायन्सले बुधबार जनाएको हो । गिलिएड सायन्सेजले भनेको छ; “परिक्षणले पहिलो अन्तिम बिन्दु पार गरिसकेको छ र एन आई ए आई डिले अब छिट्टै औषधीको बारे पूर्ण विवरण सार्वजनिक गर्ने छ” ।  

कोभिड -१९ उपचारको लागि हालसम्म परिक्षण कै क्रममा रहेका दर्जनौं औषधी  मध्ये सबैभन्दा सफल भन्दै गिलिएड सायन्सले बुधबार सार्वजनिक गरेको उक्त औषधी अमेरिकास्थित फुड एण्ड ड्रग एड्मिनिस्ट्रेसन (एफ डि ए) भने हालसम्म उपचारको लागि प्रमाणित गरेको भने छैन ।  अमेरिकामा हालसम्म १० लाख ५० हजार मानिसमा कोरोना संक्रमण प्रमाणित भै सकेको छ भने ६० हजार ३ सय ८४ को मृत्‍यु भनेको छ । जस मध्ये १ लाख १९ हजारले कोरोनालाई अमेरिकामा जितेका छन् ।