तेहरान । इरान कोरोना भाइरसको तिव्र संक्रमणलाई केही हदसम्म नियन्त्रण गर्न सफल मुलुक हो ।

तर, यस मुलुकलाई अहिले मानिसहरुमा रहेको अन्धविश्वासका कारण ठूलो मानवीय मूल्य चुकाउनु परेको छ ।

कोरोना भाइरसे शुरु भएयता यस भाइरसको संक्रमणबाट बच्न भन्दै विषाक्त रक्सी सेवन गर्दा करीव ७ सय मानिसको ज्यान गएको इरानी संचरमाध्यमले उल्लेख गरेका छन् ।

सरकारी अधिकारीहरुले दिएको जानकारीअनुसार विषाक्त रक्सी सेवनका कारण ७ सय २८ जनाको ज्यान गइसकेको छ ।

यो आंकडा फेब्रुअरी २० देखि अप्रिल ७ सम्मको हो । यसबीचमा अधिक विषाक्त रक्सीको कारोबार भएको बताईको छ ।

यस देशमा विषाक्त रक्सीले हरेक वर्ष ठूलो संख्यामा मानिस मर्ने गर्छन् । इरानमा गत वर्ष पनि विषाक्त रक्सी सेवनका कारण ६६ जनाको मृत्यु भएको तथ्यांक छ ।

इरानमा फेब्रुअरीको पहिलो साता कोरोना भाइरसको संक्रमण तिब्र थियो । मानिसहरुले ज्यान पनि गुमाएका थिए ।

त्यसपछि स्थानीय स्तरमा विषाक्त रक्सीको उत्पादन र खपत बढेको हो । यद्दपी इरानमा यस्तो रक्सीको कारोबार र सेवन निषेधित गरिएको छ ।

इरानमा अहिलेसम्म कोरोना भाइरसका कारण मृत्यु हुनेको संख्या ५ हजार ९ सय ५७ पुगेको छ भने, ९३ हजारभन्दा बढी संक्रमित भएका छन्।

मध्यपूर्वी एसियामा इरान सबैभन्दा ठूलो मानवीय क्षति भएको मुलुक हो ।