समाचार

काठमाडौंका ४ जना स्वास्थ्यकर्मीलाई कोरोना, भक्तपुरमा एक जना थपिए

काठमाडौं । काठमाडौं मेडिकल कलेजमा कार्यरत ४ जना स्वास्थ्यकर्मीमा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा विकास देवकोटाले मंगलबारको नियमित प्रेस ब्रिफिङमा सो जानकारी दिएका हुन् । संक्रमितहरूमा तीन जना महिला र एकजना पुरुष छन्। महिलाहरू २४ देखि ३२ वर्ष उमेर समूहका छन् भने एक जना २८ वर्षका पुरूष हुन्। यसैगरी भक्तपुरमा पनि एक जना कोरोना संक्रमित थपिएका छन्। भक्तपुरको चाँगुनारायण नगरपालिकामा संक्रमित थपिएका हुन्।