समाचार

अमेरिकामा भट्टाभट बन्द हुँदै ब्यापार; डन्किन् डोनट्सले ८ सय स्टोर बन्द गर्दै

न्युयोर्क       अमेरिकामा चर्चित कफी स्टोर डन्किन् डोनट्सले आफ्नो ८ सय पसलहरुलाई स्थायीरुपमा बन्द गर्ने भएको छ । कम्पनीले बिहिबारको आफ्नो दोश्रो त्रैमासिकको रिपोर्टको आधारमा ती पसलहरु बन्द गर्ने निर्णयमा पुगेको जनाएको छ । कम्पनीले बिक्रीमा साह्रै गिरावट आएका कारण ती स्टोरहरु बन्द गर्ने निर्णयमा पुगेको जनाएको छ । अमेरिका भरमा गत बर्षको एकै समयको कुल बिक्रीको तुलनामा यो बर्ष जम्मा दुई प्रतिशत मात्र बिक्री भएको कम्पनीले जनाएको छ । डन्किन् डोनट्सले बन्द गर्न लागेको ८ सय स्टोरहरु मध्ये करिब आधा जति स्पिडवे ग्यास स्टेसनमा संचालित स्टोरहरु छन् ।   बुधबार चर्चित फास्ट फुड स्टोर म्याक्डोनाल्डले अमेरिकाका २ सय स्टोर बन्द गर्ने बताएको भोली पल्ट डन्किनको यो निर्णय आएको हो ।