मनोरञ्जन

गायिका रोजिना गुरुङको 'मेरो प्रित तिमीलाई' भिडियो सहित सार्वजनिक

vishwa-news

न्युयोर्क

न्युयोर्ककी चिरपरिचित उदयिमान गायिका रोजिना गुरुङले यस पटक आफ्नो प्रितको घोषणा गीत मार्फत गरेकी छिन् । लामो समयदेखि नेपाली संगीत साधनामा तल्लिन गायिका रोजिना गुरुङको अर्को रोमाण्टिक गीत "मेरो प्रित तिमीलाई" म्युजिक भिडियो सहित सार्वजनिक भएको छ । नेपालदेखि नै गायनमा अभ्यस्त गायिका गुरुङले प्रबासमा रहँदा समेत गायनमा निरन्तरता दिंदै आएकी छिन् । नेपालमा छँदा उनी नेपाली तारा नामक टिभी रियालिटी शोको उत्कृष्ट १० मा समेत परिसकेकी थिइन् ।यसअघि पनि उनका गीतहरु दर्शकश्रोता माझ आइसकेका छन् ।

प्रायश: आफ्नो गीतमा आफै मोडलिङ् गर्ने गायिका गुरुङ् मोडलिङ्मा पनि उत्तिकै जम्ने गरेकी छिन् । न्युयोर्कस्थित ॐ मेगा अडियो एण्ड भिडियो प्रडक्सनले तयार पारेको म्युजिक भिडियोको छायांङ्कन अमेरिकामा नै तयार पारिएको हो । गीतको रचनाकार्य प्रेमिल गीतहरू रच्ने गीतकार श्रीजना डंगोलले गरेकी छिन् । प्रस्तुत गीतमा संगीत साधक ओम कर्माचार्यले संगीत दिएका छन् भने युवा एरेण्जर बिनय गुरुङले गीतलाई पूर्णता दिएका छन् ।

https://youtu.be/C166Tgk4f0Y

एकपटक सुनेर नअघाउने खालको गीत बनेको गायिका गुरुङ् बताउँछिन् । गीत राम्रो बनेकोले दर्शक श्रोताबाट सर्जकहरुले धेरै नै आशा गरेका छन् ।

ad-archer