अमेरिका

राष्ट्रपति भण्डारी र प्रधानमन्त्री ओलीबाट ट्रम्पलाई स्वास्थ्य लाभको कामना

vishwa-news

काठमाडौं । अमेरिकी राष्ट्रपति डोनाल्ड ट्रम्प यतिबेला कोरोना भाइरससँगको व्यक्तिगत लडाईमा छन् । उनी संक्रमित भई अस्पतालमा भर्ना भएका छन् । उनलाई संसारभरबाट स्वास्थ्य लाभको कामना गरी सन्देश पठाउने क्रम जारी रहेको छ ।

यसै सन्दर्भमा विद्यादेवी भण्डारीले अमेरिकी राष्ट्रपति डोनाल्ड ट्रम्प र उनकी पत्नी मेलानियाको शीघ्र स्वास्थ्य लाभको कामना गरेकी छन् । ट्रम्प दम्पतीमा शुक्रबार कोरोना संक्रमणको पुटी भएको हो । भण्डारीले कोभिड–१९ लाई नियन्त्रण गर्न ठोस कदम चाल्ने पर्ने भन्दै राष्ट्रपतिको स्वास्थ्य लाभको कामना गरेकी हुन् ।

सन्देशमा भण्डारीले नेपाल र अमेरिका बीचको वहुआयामिक सम्बन्ध आगामी दिनमा अझ सुदृढ हुने धारणा व्यक्त गरेकी छन् । यसअघि प्रधानमन्त्री केपी शर्मा ओलीले शुभकामना सन्देश पठाउँदै राष्ट्रपतिको स्वास्थ्य लाभको कामना गरेका थिए । उता, चिनियाँ राष्ट्रपतिले समेत शनिबार एक सन्देश पठाएर राष्ट्रपतिको स्वास्थ्य लाभको कामना गरेका छन् ।

ad-archer