विश्व

लिबियाबाट सात भारतीय नागरिकको अपहरण

vishwa-news
source : Indiasingulf

नयाँ दिल्ली । लिबियाबाट सात जना भारतीय नागरिकको अपहरण भएको छ । लिबियाको तेल प्रशोधन केन्द्रमा काम गरिरहेका भारतीय मजदुर अपहरणमा परेका हुन् । भारतीय नागरिक स्वदेश फर्कने क्रममा थिए ।

तर, विमानस्थल जाँदै गर्दा लिबियाको अस्वेरिफबाट उनीहरुलाई अपहरण गरिएको अन्तर्राष्ट्रिय संचारमाध्यमले जनाएका छन् । अपहरणमा परेका नागरिकहरु आन्द्र प्रदेश, बिहार र गुजरातका रहेको बताइएको छ । अपहरणमा परेकाहरुको स्थिति अझै अज्ञात छ ।

अपहरण कसले गरेको भन्ने विषयमा समेत खुलेको छैन । अपहरणको जिम्मेवारी कसैले पनि लिएको छैन । भारत सरकारले लिबियाली सरकारलाई उनीहरुलाई अपहरण मुक्त गराउन समेत आग्रह गरेको छ ।

भारतीय विदेश मन्त्रालयले विज्ञप्ती जारी गरी उनीहरुलाई अपहरण मुक्त गर्न लिबिया सरकारसँग आग्रह गरेको हो । भारत सरकारले आफना नागरिकहरुलाई लिबियाको भ्रमण नगर्न सन् २०१५ मै अपील जारी गरेको थियो ।

सन् २०१६ मा भारतीय नागरिकलाई लिबिया जान प्रतिबन्ध लागेको छ । तर, अबैध बाटोबाट भारतीय नागरिक लिलिया जाने गरेका छन् ।

ad-archer