डायस्पोरा

कनेक्टिकट चौतारी २०२० को विमोचन सम्पन्न

vishwa-news

न्युयोर्क

कनेक्टिकट नेपाली समाज (नेकोन - USA) को वार्षिक मुखपत्र कनेक्टिकट चौतारीको सातौँ संस्करणको विमोचन कार्यक्रम सामाजिक दुरी कायम राख्दै वेस्ट हार्टफोर्डको वालकट पार्कमा अक्टोवर ११, २०२० मा सम्पन्न भयो । कवि धन लामा प्रमुख सम्पादक रहनुभएको उक्त प्रकाशनलाई संस्थाका पदाधिकारी, सल्लाहकार, समाजका विभिन्न अग्रज एवं सामाजिक व्यक्तिहरुको माझ वेस्ट हार्टफोर्ड टाउनकी मेएर सेरी केन्टरले विमोचन गरेका थिए । डेमोक्राटिक पार्टीको तर्फबाट राज्य प्रतिनिधिकी उम्मेदवार केट फर्रर एवं नेपालीका लागि अँग्रेजी भाषामा विशेष योगदान पुर्याउदै आउनु भएकी शिक्षा स्वयंसेविका डा. मेरी मेक्कीना पाहुनाको रुपमा उपस्थित भई आफ्ना अनुभवहरु बाँड्नुभएको भएको थियो ।

संस्थाका अध्यक्ष जितेन्द्र बस्नेतको सभापतित्वमा गरिएको कार्यक्रममा सचिव भद्र राईको उद्घोषण, उपाध्यक्ष जय राईको स्वागत मन्तव्य र प्रधान सम्पादक धन लामाले मुखपत्र प्रकाशनको सिलसिलामा सहयोग पुर्याउने महानुभावहरूलाई धन्यवाद व्यक्त गरेका थिए । 

नयाँ आजीवन सदस्यहरूलाई प्रमुख सल्लाहकार अशोक श्रीवास्तवले आजीवन सदस्यताको प्रमाण पत्र वितरण गर्नुको साथै सम्पादन समितिका सल्लाहकारहरू, प्रधान सम्पादक र सदस्यहरूलाई प्रशंसा पत्र वेस्ट हार्टफोड टाउनकी मेयर सेरी केन्टरको हातबाट प्रदान गरिएको थियो । यस पटक पहिलो चोटी संस्थाको मुखपत्र अनलाईनमा र डिजिटल फ्लिपबुक संस्कारणमा पनि छापिएको कुरा मुखपत्रको प्रधान सम्पादक धन लामाले जानकारी गराए ।

ad-archer