विज्ञान प्रविधि

कात्तिक ७ भित्र क्लिनफिड लागू गर्न मन्त्रालयको निर्देशन, अटेर गरे च्यानल बन्द गर्ने चेतावनी

vishwa-news

काठमाडौं । सरकारले कात्तिक ७ गते भित्र विज्ञापनरहित प्रसारण गर्न नेपाल केवल टेलिभिजन महासंघ लगायतका संघ संस्थाहरुलाई निर्देशन दिएको छ । सञ्चार तथा सुचना प्रविधि मन्त्रालयले बुधबार एक विज्ञप्ति जारी गर्दै २०७७ कार्तिक ७ गतेभित्र विज्ञापनरहित(क्लिन फिड) प्रसारण गर्न निर्देशन दिएको हो ।

निर्देशनलाई बेवास्ता गरेमा कानुन बमोजिम कारवाही हुने चेतावनी समेत मन्त्रालयले दिएको छ । इन्डियन ब्रोडकास्टर्स फोरम, डिस्कवरी नेटवर्कस, बीबीसी न्युज, नेपाल केवल टेलिभिजन महासंघ लगायतका संघ संस्थाहरुले विज्ञापनरहित प्रसारणका लागि क्याद थप गर्न माग गरेकोमा ध्यानाकर्षण भएको उल्लेख गर्दै मन्त्रालयले विज्ञप्तिमा कात्तिक ७ गतेभित्र वित्रापनरहित प्रसारण गर्नु पर्ने व्यवस्था ऐनद्वारा नै गरिएको जनाएको छ ।

उसले ऐनद्वारा नै एक वर्षको तयारी अविधि समेतको व्यवसथ भएकाले तोकिएको मिति देखि विज्ञापनरहित प्रसारण गर्न गराउन सबै संघ संस्थाहरुलाई निर्देशन दिएको जनाएको छ ।

ad-archer