काठमाडौं । ऐतिहासिक सम्पदा रानीपोखरीको उद्घाटन भएको छ । पुननिर्माणको काम पुरा भएसँगै बुधबार राष्ट्रपति विद्यादेवी भण्डारीबाट रानीपोखरीको उद्घाटन भएको हो । २०७२ वैशाख १२ गतेको भूकम्पबाट क्षतिग्रस्त बनेको रानीपोखरीको पुनर्निर्माणको काम भने २०७२ माघ २ बाट शुरु भएको थियो । त्यसबेला राष्ट्रपतिबाटै यसको शिलान्यास भएको थियो ।
रानीपोखरी र त्यहाँस्थित बालगोपालेश्वर महादेव मन्दिर पुरानै स्वरुपमा तयार भइसकेका छन् । राष्ट्रिय पुनर्निर्माण प्राधिकरणका अनुसार रानीपोखरी सर्वसाधारणको दर्शनका लागि भने तिहारमा भाइटिकाका दिन खुला हुने छ । काठमाडौंको ऐतिहासिक तथा पुरातात्विक सम्पदा पुनर्निर्माणले अहिले गति लिएको छ ।
