न्युयोर्क

एउटा खुट्टाले नृत्य गरेर सबैको मन जितिसकेकी नृत्यङ्गना सिता सुबेदी आफ्नै स्वरमा ‘जीवन कस्तो हुन्छ…’ गीत गाएकी छिन् । जीवनको भोगाई र अनुभव समेटिएको गीतका शब्द पनि उनी आफैले कोरेकी हुन् । 

क्लासिकल वन लेग डान्सरको रुपमा ख्याति कमाएकी सुबेदीले जीवन दर्शन बोकेको गीत युट्युब मार्फत सार्वजनिक गरेकी हुन् । सीता सुबेदी भन्ने बित्तिकै नृत्याङ्गना भनेर चिनिन्छ । उनको जिन्दगीलाई जति जटिल तरिकाले समाजले हेर्छ त्यो सामाजिक दृष्टिकोणलाई चिर्दै जिन्दगीलाई जसरी हेर्यो त्यस्तै लाग्ने उनको अनुभव छ । जीवनलाई सरल तरिकाले हेर्यो भने सरल नै हुन्छ भन्ने सन्देश गीतमा छ ।

सीता सुबेदीको जीवनको भोगाईमा आधारित गीतलाई संगितकार मदन गोपालले संगीत दिएका छन् । त्यस्तै संगीत संयोजन दिनेश श्रेष्ठको रहेको छ । गीतलाई म्युजिक नेपालको युट्युब च्यानलबाट सार्वजनिक गरिएको छ ।