स्वास्थ्य

विभिन्न स्थानमा कोरोनाबाट ४ जनाको मृत्यु

काठमाडौं । नेपालमा कोरोना भाइरसको संक्रमणबाट थप ४ जनाको ज्यान गएको छ । मंगलबार रुपन्देहीमा थप दुई जना कोरोना संक्रमितको मृत्यु भएको छ । तिलोत्तमा–११ की ५० वर्षीया महिला र बुटवल–१३ का ५२ वर्षीय पुरुषको कोरोना अस्पताल बुटवलमा उपचारका सिलसिलामा निधन भएको हो ।

उता, सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा एक जना कोरोना संक्रमित पुरुषको मृत्यु भएको छ । सुनसरीको धरान घर भएका ५० वर्षीय पुरुषको गएराति निधन भएको हो ।

यता, चितवनको भरतपुर अस्पतालमा उपचारको क्रममा थप एक जना कोरोना संक्रमितको ज्यान गएको छ । भरतपुर महानगरपालिका–२१ का ५६ वर्षीय पुरुषको ज्यान गएको हो ।