दुबई । आईपीएल क्रिकेट रोमाञ्चक बन्दै गएको छ । खासगरी अंक तालीकाको तल्लो क्रममा रहेका टोलीले माथिल्लो स्तरमा रहेका टोलीलाई रोक्न थालेपछि अंक तालीका रोमाञ्चक बन्दै गएको छ । आइपीएलमा गएराति किंग्स इलाभेन पन्जाबले कोलकाता नाइटराइडर्सलाई आठ विकेटले हराएको छ ।
कोलकाताको तर्फबाट जितका लागि पाएको १५० रनको लक्ष्य पन्जाबले १९ औं ओभरमा २ विकेट गुमाउँदै जित निकालेको छ । पन्जाबका लागि मन्दीप सिंह र क्रिस गेलले १०० रनको साझेदारी गरेका थिए । मन्दीप सिंहले नटआउट ६६ र क्रिस गेलले ५१ रन जोडे ।
दुबईमा जारी आईपीएलको १३ औं संस्करणमा यो पन्जाबको छैठौं जित र कोलकाताको छैटौं हार हो । जितपछि पन्जाब १२ अंकसहित अंक तालिकाको चौथो नम्बरमा पुगेको छ ।
