फिचर

तीन नेपाली क्रिकेटरले खेल्ने भए टी–१० लिग

काठमाडौं । यूएईमा संचालन हुन टी–१० लिग क्रिकेट प्रतियोगितामा नेपालका तीन क्रिकेटर खेल्ने भएका छन् । पूर्व कप्तान पारस खड्काले भने कोचिंग टीममा आवद्ध भइसकेका छन् । नेपाली राष्ट्रिय क्रिकेट टोलीका तीव्र बलरद्वय सोमपाल कामी र करण केसी तथा युवा अलराउन्डर कुशल मल्ललाई युएईमा आयोजना हुने टी–१० क्रिकेट प्रतियोगितामा आवद्ध गरिएको हो ।

युएईमा भएको ‘ड्राफ्ट’मा सोमपाललाई मराठा अरेवियन्सले अनुबन्ध गरेको हो । मराठा गत सिजनको उपाधि विजेता टोली हो। करण केसीलाई पुने डेभिल्सले अनुवन्ध गरेको छ । कुशललाई भने टिम आवुधावीले आवद्ध गरेको हो ।

टी–१० लिगमा सन्दिप लामिछाने र पारस खड्काले अघिल्ला सिजनमा यो लीग खेलिसकेका छन् । अघिल्लो सिजन आबुधावीबाट खेलेका पारस यस सिजनका लागि सोही टीमकोइमर्जिङ प्लेयर मेन्टरको भूमिकामा छन् ।