काठमाडौं । एनएसजेएफ पल्सर स्पोर्टस अवार्ड आज वितरण हुँदैछ । नेपाली खेलकुदको सबैभन्दा ठूलो अवार्डका रुपमा यसलाई दिने गरिन्छ । नेपाल खेलकुद पत्रकार मञ्चले आयोजना गर्ने अवार्ड कार्यक्रम ललितपुरको सातदोबाटोस्थित कराते हलमा आयोजना हुँदैछ ।
अवार्ड कार्यक्रम अपरान्ह साढे ४ बजेबाट शुरु हुने भएको छ । कोरोना भाइरसको महामारीका कारण सेमी भर्चुअलको रुपमा आयोजना हुने अवार्ड कार्यक्रममा विभिन्न १० विधामा अवार्ड प्रदान गर्न लागिएको आयोजक जनाएको छ ।
अवार्डका लागि वर्ष २०७६ सालमा भएका राष्ट्रिय तथा अन्तर्राष्ट्रिय प्रतियोगितामा खेलाडीले गरेको प्रदर्शन र प्राप्त नतिजाका आधारमा खेलाडी र खेलकर्मी मनोनयनमा परेको मञ्चले जानकारी दिएको छ ।
